Jaime Atxa Bizkaiko txapelduna
Otxandion izan zan Bizkaiko Sega Txapelketea garagarrilaren 24an, eta Areatzako Jaime Atxak lortu eban txapela. Beste arratiarra eta igazko txapelduna zan Zeanuriko Aitzol Intxaurbe hirugarren geratu zan, Gondraren atzetik.
Areatzaztarra igaz azpitxapeldun geratu zan Bizkaiko Sega Txapelketan parte hartzean eban lehenengo aldian, eta aurten txapelduna izan da 1.600 kilo bedar baino gehiago ebagi ostean. “Hasieran, danok parean joan ginan, baina segidu eta segiru, aurrea hartu neban” dino Atxak. “Sano parekatuta egon zan hasieran, ikusteko oso polita izan zan” gehitu dau Intxaurbek.
Euskal Herrikoan finalerdietan
Euskal Herriko txapelketan, barriz, arratiarrak ez ziran finalera pasau. Aizarnan, garagarrilaren 11n jokatu zan kanporaketea eta egozan bizkaitar biak, biak Arratiakoak, ez ziran finalera pasau. Lehen finalerdian Aitzol Intxarbe, Jexuxmari Ormaetxea (Gipuzkoa) eta David Mariñelarenagaz (Nafarroa Garaia) neurtu zan hirugarran eginaz. Bigarren finalerdian Atxa geratu zan kanpoan, gipuzkoako segalari biak, Jon Kaflanka eta Jokin Etxeberriak bedar kilo gehiago ebagi eben eta.
Erredakzinoa
Lemoa
San Inazio jaiak
Lemoaztarrak prest dagoz saninazioak ospatuteko. Eta horretarako bost egunetako programea prestatu dabe. Era guztietako txapelketak, musikea eta Ibaizabaletik baltsen jeitsiereak bermatuko dabe herritarren parte hartzea.
Arratiako beste herrietatik jaietara datozenentzat etxera bueltetako autobusak egongo dira garagarrilaren 31n, goizaldeko 02:30ean eta 04:30ean.
GARAGARRILAK 28, eguaztena
18:00etan, 15 urtetik beherakoen futbito txapelketako finala eskoletan.
19:00etan, 15 urtetik gorakoen futbito txapelketako 3. eta 4. postuak ebazteko partidua eskoletan.
20:00etan, 15 urtetik gorakoen futbito txapelketako finala eskoletan.
Esku pelota popularra, finala kiroldegian.
GARAGARRILAK 29, eguena
16:30ean, eskupelota partiduak Txutxin txapelketearen finala.
19:30ean, herrikoentzako XI. Igeriketa Txapelketa.
GARAGARRILAK 30, barikua
18:30ean, jaietako kartelen erakusketea udaletxeko plazan.
19:00etan, txupinazoa eta jaietako kartel lehiaketearen sari banaketea Udaletxeko plazan. Alex Txikonek emongo deutse jaiai hasierea. Ostean, kalejirea udaletxeko plazatik Elizondoraino ADISKIDEAK fanfarreagaz.
21:00etan, koadrilen afaria kiroldegian. 18 urtetik beherakoentzat.
22:30ean, kontzertuak eta erromeria Elizondon SU TA KE, MATERIA GRIS, AKERBELTZ.
GARAGARRILAK 31, zapatua
10:00etan, diana txistulari eta dultzaineruakaz.
11:30ean, XIII. Artisautza Azoka Atxeta taberna ondoko plazan.
12:30ean, mezea San Inazio baselizan.
13:15ean, Durundi Barri Dantza Taldea eta Lemoako Abesbatzaren ekitaldia San Inazio plazan.
17:30ean, ume eta gazteentzako tailerrak eta jolasak Zaztaparrak taldeak antolatuta San Inazio plazan.
18:00etan, Ugel txapelketea 17 urtetik beherakoentzat.
18:30ean, Ugel txapelketea 17 urtetik gorakoentzat.
19:00etan, Bola txapelketea 17 urtetik beherakoentzat.
19:30ean, bola txapelketea 17 urtetik gorakoentzat.
20:00etan, Arrantza eta Ehiza Elkarteak sardina jana eskeiniko dau San Inazio plazan.
20:00etan, koadrilen arteko herri kirolak San Inazio plazan.
22:00etan, 12 urtetik beherako lemoaztarrentzat Play-back lehiaketea Elizondon.
23:00etan, kontzertua ESNE BELTZA Elizondon.
00:30ean, 12 urtetik gorakoentzat Play-back lehiaketea Elizondon.
01:30ean, Erromeria AMAIUR taldeagaz Elizondon.
05:00etan, barauskarria Elizondon.
Baserritar jantzita dagozanai edaria eta taloa eskuratzeko txartela emongo jakie.
ABUZTUAK 1, domekea
11:00etan, umeentzako puzgarriak eta jokoak eskoletan.
14:00etan, paella, tortilla, gisatu eta makailao lehiaketako lapikoen aurkezpena eskoletan. Ostean, herri bazkaria.
16:00etan, ume eta gazteen- tzako ekintzak Ganzabal Mendi Taldeak antolatuta eskoletan.
19:00etan, baltsen jeitsierea Ibaizabaletik.
23:00etan, erromeria Elizondon JO TA HANKA.
"Garsu" erre eta su artifizialak. Jaien amaierea.
Erredakzinoa
Arratiako Udalen Mankomunitateak www.arratia.net sortu dau
Webgune barri honen bidez, tramiteak modu telematikoan egin ahal izango dira, mankomunidadearen zerbitzu, baliabide eta programak jasoko dira eta eskeintza kultural eta turistikoaren barri emongo da. Honegaz “Arratiako mankomunidadea abangoardian jarri da on-line administrazinoaren arloan, Biscaytik proiektuaren eskutik” Foru Aldundiko prentsa kabinetearen arabera.
Garagarrilaren 7an, Igorren, BiscayTIK fundazioaren zuzendari nagusia dan Ibon Oñatek eta Aitor Sorriketa mankomunidadeko presidenteak aurkeztu zituen atari honek emongo dabezan zerbitzu eta aukera guztiak Arratiako alkateai zuzendutako ekitaldi baten.
Arratia.net Arratiako Udalen Mankomunitatearen sede elektronikoak teknologia barrienai esker mapa interaktiboak, Udaletako azkenengo informazinoa edota momentuan momentuko eguraldiaren barri emoten dau, beste gauza askoren artean. Hasierako orrian, agendak, albisteak, zerbitzuak, argitalpenen deskargak, enpresak, lan-boltsak eta informazino turistikoa topau daitekez.
Erredakzinoa
KANALA: Edizio jarraia, berria.info
Bikote bat atxilotu dute Frantzian, euren zortzi seme-alaba jaioberriak hiltzea leporatuta
Etxebizitzaren jabe berriek lorategian zuhaitz bat landatu nahi izan zutenean, plastikozko poltsa bat aurkitu zuten ume baten gorpuzkiekin. Frantziako Poliziak aurkitu zituen gainerakoak.
Arabako EAJ irailean hasiko da Gasteizko alkategaia bilatzen
KANALA: Bizkaie
Itziar Albisu: ‘trantsizino-giroa bizi dogu’
Urtero 5,6 miloe ume hilten da gosez
KANALA: zuzeu.com
Portugalgo 'Carabela' eta alarmismoaren garro luzeak
Uda ia guztietan bezala portugalgo Carabela delako medusa, edo zehatzago izanda, sifonoforoa gure hondartzetara iritsi da. Sekulako triskantza egin du, bestela, begira Diario Vascon atera den tipo honen zauriei! Haurrak alboan badituzue, mesedez, begiak estali...
Duela pare bat aste Landetako kanping batera joan ginen egun batzuk pasatzera. Kotxea gainezka generaman: maletak, janari mordoa, edariak... bizirauteko funtsezkoa zena. Baina hara heldu eta maleteroa hustutzen hasi arte, ez ginen konturatu elementurik garrantzitsuena etxean utzi genuela: kanping denda. Lau lagun ginen eta lauontzat kanping denda bakarra generaman. Gauzak horrela, Frantzian lo egiteko aterperik gabe topatu ginen.
Argitaratzailea: ZERTU Kultur Elkartea.
Helbidea: Herriko Plaza 24, 48142 Artea.
Telefonoa: 946 317 314.
Helbide elektronikoa: begitu@begitu.org